انتي مين

بقلمي / زينب الثاقب
انتي فرحي
وألا همي
وألا وجع السنيين
انتي مين
فتحت عيني
لاقيتني بين احضانك
شفت فيه طعم الآسي
ابتسملك وانتي حاضناني بقوه افرح واقول دي جواها طيب وقبل ما تدوبني الفرحه
افتح عيني ع سكينه ف ضهري تنزل دموعي
ليه يا أمي
تدوقيني غدرك
ده أنا لسه كنت حاضنك
واتخلقت لاقيتني جمبك
من سنيين
إنتي مين
طاب فكرتي مره فيا
ما آثرتش دموع عينيا
ليه اتهان واتذل منك وبيكي
ده أنا عشت ليكي
كنت شايف احضانك الواسعه
مش ليا
كنت اشوف جفاكي ليا
اقول هو أنا مش ابنها
احاول امد ايدي لأم تانيه
والم هدومي ف شنطتي
واقول خلاص يا دمعتي
هانشوف لنا أم تانيه
واودعك من غير أماني
من غير سلام…من غير دموع وبعد ما اقفل بيباني
الاقيني بسرعه اعود
دوقتيني مرك
وياما شفت منك
بس بعد ما كنت اعيط
كنت اصحي الاقيني
جوه حضنك
احساس الامان اني بعدك
لاقيتني مهان
شفتي ماقدرتش دقيقه اتحمل بعدي عنك
هارضي بوجعي وبقساي
وبذلي منك
بس ابعد عنك محال
مني منك … وفيا دمك
ولما دمي يهون …
يهون عشان انتي أمي